Резултатите на две лица кај кои по смртта е земен брис за тест на Ковид – 19, маж од Битола и родилката од Охрид, која почина на Клиниката за гинекологија и акушерство во Скопје, се негативни на Ковид – 19, соопшти МЗ.
Резултатите на две лица кај кои по смртта е земен брис за тест на Ковид – 19, 66-годишниот маж од Битола и родилката од Охрид, која почина на Клиниката за гинекологија и акушерство во Скопје, се негативни на Ковид – 19, соопшти министерството за здравство.
-Мажот на возраст од 66 години, кој од страна на МВР при извршување на рутинска контрола на лице во домашна изолација, беше пронајден починат во својот стан во Битола е негативен на коронавирусот, наведуваат од министерството.
Негативен на Ковид -19 е и резултатот на родилката од Охрид, која почина на Клиниката за гинекологија и акушерство во Скопје.
Пациентката на возраст од 37 години, била донесена во Скопје со возило на брза помош во високо фебрилна состојба и со мртов плод.
Вкупната бројка на дијагностицирани пациенти со ковид-19 изнесува 354 лица. Вкупниот број тестирања досега извршени во земјава се 3.775.
