Полицаецот Ј.О. (44) наречен Олуја бил уапсен во акцијата против педофили „Колекционер“ Деновиве, 3 години по апсењето, осуден е на 4 години и десет месеци затвор. Во неговиот стан во Загреб се најдени камшици, вибратори, кожни каиши со нитни.
– Сакам садо мазо и не знаев дека се деца – ова е кусата одбрана која на суд ја изнел полицаецот кој со години силувал девојчиња. Голем дел од нив биле штитенички на женскиот центар Бедековчин кои избегале од Домот. За своите перверзни задоволства тој на девојчињата од кои неколкумина имале само 13 години, им плаќал од 25 до 65 евра.
Една од жртвите, тогаш 13 годишно девојче, изјавила дека му кажала точно колку години има но тој не верувал. Ставил црна маска на лицето, барал од неа да зборува вулгарности кои тој обилно ги користел, а потоа се туширале заедно и тој уринирал врз неа.
– Тогаш бризнав во плач – вели девојчето кое сведочи дека потоа и покажувал фотографии од други голи девојчиња. Од нив препознала 4 штитенички на домот.
Со ова девојче монструмот направил 16 видеа и 116 фотографии.
За своите перверзни активности полицаецот ја користел викендичката на својот пријател М. Б. кому „му наместил“ едно девојче. Поради соучесништво тој е осуден на 1 година затвор.
