Последниот четвртфинален натпревар во кошаркарскиот Куп на Македонија, помеѓу екипите на Лирија и Куманово е прекинат поради националистички скандирања на навивачките групи на двата тима.
Делегатот на натпреварот во договор со судиската тројка се реши на ваков чекор, откако претходно официјалниот спикер на неколку наврати ги предупреди навивачите да престанат со националистичките скандирања.
Истиот ќе продолжи кога ќе бидат испразнати трибините.
Инаку мечот е прекинат во 15-та минута при резултат 32:31 за екипата на Лирија.
Пред очите на кошаркарите на Куманово нивните верни навивачи беа испратени низ излезната врата на „Борис Трајковски“, па сега со автобуси ќе го напуштат главниот град. При реакцијата на полиција настрада и еден навивач на кумановци, кому мораше да му биде дадена медицинска помош пред да може да ја напушти салата.
Претставниците на МКФ претходно најавија дека мечот нема да биде продолжен додека не бидат испразнети и двете трибини – по што фановите на Лирија мирно ја напуштија салата. Сега во СЦ „Борис Трајковски“ останаа само уште околу 300 навивачи, кои се во исчекување на официјалните лица и на конечната одлука дали и кога овој меч ќе се доигра. Првичните информации се дека средбата ќе биде завршена вечерва, но се уште нема официјална потврда за такво нешто.
Повеќе инфо и фотографии на Екипа.мк
