Марина Парасчу е жената поради која Сеиф Елдин Мустафа оваа седмица го киднапираше египетскиот авион на компанијата „Еџипт Ер“.
Според пишувањето на медиумите, фотографијата која се појавила на интернет, е од нивната венчавка од 1985 година.
Марина Парасчу на фотографијата има 20 години. Двојката била во брак пет години, се развеле во 1990 година, а имаат и четири деца – три ќерки и еден син.
51-годишната Парачоу по киднапирањето на египетскиот авион, за својот поранешен сопруг изјавила дека е суров криминалец, а нивниот однос го опишала како „најмрачно поглавје во нејзиниот живот”.
– Тоа беше брак од пеколот, претепување, мачење и секојдневен страв – изјавила Парасчу за грчкиот весник „Филефтерос“.
58-годишниот Мустафа се изјаснил како виновен за повеќе обвиненија во врска со киднапирањето на авионот, вклучувајќи и закана со насилство.
