Ниските температури и наглите временски промени удрија по здравјето на граѓаните. Одделот за неврологија на Градската општа болница 8 Септември, деновиве работи со полн капацитет. Докторите велат од временските промени особено страдаат пациентите со срцеви и невролошки заболувања, а зголемен е и бројот на мозочни удари. 
Метеоролозите за викендот најавуваат температури до плус 15 степени. Докторите апелираат хронично болните редовно да ја земаат препишаната терапија, а граѓаните навремено да се јават на лекар доколку почувствуваат било какви здравствени промени.
Биометеорологијата негативно влијае врз целата популација. Возрасна граница нема, велат докторите, бидејќи последиците од временските промени ги чувствуваат и младите и возрасните.
