Металуршкиот комбинат „Југохром фероалојс“ од Јегуновце, ќе прекине со производство поради загадувањето на воздухот, пишува Прес 24.
Менаџментот на фабриката е на ставот дека „Југохром фероалојс“ ДООЕЛ во стечај не е единствениот, а уште помалку најголемиот загадувач во регионот, па затоа донесе одлука за доброволно гасење на двете печки кои се во функција, односно целосно затворање на производствениот капацитет.
Прекинувањето на производството ќе трае од 31 декември до крајот на февруари идната година, кога метеоролошките услови најмногу влијаат за загадувањето на воздухот.
