28 македонски државјани биле повредени синоќа кога автобусот со кој се возеле излетал од патот на околу 50 километри пред Будимпешта. Во автобусот имало 25 патници од кои две мали деца и 3 возачи.
Несреќата се случила во близина на градот Гор, а засега нема информации поради кои причини автобусот кој сообраќал на релација Скопје – Прага излетал од патот.Возачот на автобусот вчера околу 1 часот и 45 минути се јавил во патничката агенција „Тото“ која го организира превозот и ги информирал дека се случила сообраќајна несреќа.
Од македонското МНР информираат дека претставници на амбасадата веќе заминале на местото на несреќата и во двете болници во местата Гор каде што се сместени 16 и Татарбања каде што се наоѓаат 12 патници.
Од МНР наскоро ќе излезат со подетални информации за несреќата и за здравствената состојба на патниците.
Alfa TV
