Познат адвокат синоќа околу полноќ го претепал љубовникот на својата сопруга откако ги фатил заедно во автомобил во близина на местото Кусановец во Хрватска.
Според пишувањата на хрватските медиуми, љубоморниот маж ја затекнал својата 35-годишна сопруга со 9 години помладо момче во автомобил, по што се вратил до дома и зел метална шипка.
Почнал расправа со сопругата и почнал да удира во автомобилот марка Фиат Пунто по што 26 годишното момче излегло од него.
Во тој момент љубоморниот маж почнал да го удира со металната шипка во главата при што му нанел тешки телесни повреди. Жената веднаш повикала полиција и Брза помош.
Мажот бил уапсен и ќе одговара за обид за убиство, а момчето е префрлено во болница.
