Љубе Бошкоски доби казна затвор од 10 и пол години, шефот на обезбедување на екс министерот, Зоран Трајковски 8 и пол години затвор.
Ивица Ристиќ 7 години, а за службеникот во МВР, Никола Негриевски затворска казна од 5 и пол години.
Обвинетите пресудата ја примија со аплауз, а Љубе Бошкоски беше свртен со грб кон судиите.
Бошкоски за ова дело веќе беше осуден на 12 годишна затворска казна, но Апелацискиот суд ја укина оваа пресуда и ја врати во постапка на повторно судење. Причината за укинувањето на казната беа направените пропусти во првостепената постапка.
Случајот „Ровер“ се однесува за убиство на Марјан Тушевски и Киро Јанев. Во првостепената пресуда Бошкоски беше осуден за помагање.
Бошкоски на повтореното судење отворено го изразуваше револтот против судскиот совет и бараше изземање на судијата Илија Трпков. Тој неколкупати беше отстранет од судницата поради недолично однесување.
