Лагуната Колорадо или Црвена Лагуна е плитко солено езеро во југозападниот дел на Боливија. Се наоѓа во близина на Едуардо Авора, Националниот резерват на Андите, кај границата со Чиле на надморска височина од 4.000 метри.
Површината на ова езеро изнесува околу 60 квадратни километри со просечна длабочина од 35 сантиметри. Водата има темно црвена боја која потекнува од солта и алгите кои на ова езеро му даваат специфина боја. Поточно црвената боја потекнува од еден вид сол која е богата со железо.
Ова место некогаш било населено со Ајмари кои долго време ја чувале легендата и големата мистерија за ова езеро која неодамна е откриена. Имено легендата кажува дека езерото е проколнето бидејќи голем број Ајмари изумреле поради конзумирање на оваа вода.
Легендата не завршува тука, бидејќи во близина се скриени уште две езера жолто-зелена боја за кои кружат приказни дека вријат кога се опкружени со злобни луѓе.
