Noe Hernandez е во критична состојба. Освојувачот на сребрен медал во одење на олимпијадата во Сиднеј 2000 е ранет во ноќен клуб во инцидент во кои двајца се убиени.
34 годишниот Ное се здобил со прострелна рана во главата во клуб во централно Мексико од страна на тројца напаѓачи кои влетале во клубот и почнале да пукаат. Убиле двајца и раниле неколкумина меѓу кои и олимпиецот.
Пукањето се случило во местото Лос Рејес Ла Паз кое е на 30 километри од главниот град Мексико Сити.
Тој е веднаш пренесен во болница, го загубил едното око и сеуште е во критична состојба. Досега е опериран три пати.
Олимпиецот е сега секретар за спорт во владеачката институционално револуционерна партија.
