Предлогот Арнолд Шварценегер да биде американски амбасадор во Русија дошол од правнуката на Никита Хрушчов, Нина Хрушчова.
Поранешниот гувернер на Калифорнија, според Нина Хрушчова, би ги намалил тензиите меѓу Русија и западот во врска со украинската криза.
Според виенскиот дневник „Естерајх“ таа на својот блог напишала дека Шварценегер ги има сите квалитети кои ги цени претседателот Путин.
Тој е холивудски актер а Путин сака ѕвезди, освен тоа своите квалитети како политичар ги докажал кога бил гувернер на Калифорнија – смета Нина Хрушчова.
Таа меѓу Путин и Шварценегер наведува уште сличности – двајцата зборуваат германски јазик, па ќе можат да зборуваат за многу теми како и за жени, бидејќи двајцата во минатото и покрај браковите, имале афери!
