Раперот Мек Милер пронајден мртов во неговиот дом


Познатиот рапер Мак Милер е пронајден мртов во својот стан во Лос Анџелес, пет месеци по раскинувањето на врската со пејачката Аријана Гранде. Се претпоставува дека причина за смртта е предозирање.

-Малком Мекормит, познат и сакан како Мак Милер, трагично почина на 26 години. Беше ѕвезда водилка за своето семејство, пријателите и обожавателите. Ви благодариме за молитвите и поддршката. Ве молиме да ја почитувате нашата приватност. Во моментов нема дополнителни информации за причините за неговата смрт, гласи официјалното соопштение од неговото семејство.

Сцената пред неговиот дом била хаотична, кога било пронајдено неговото безживотно тело.

Според наводите на полицијата, ништо не укажува на убиство.

Мек Милер ги посвети неговите два последни албуми на врската со пејачката Аријана Гранде. Албумот „The Divine Feminine“ од 2016 година беше посветен на почетокот на нивната врска, додека „Swimming“ од оваа година беше посветен на нивната разделба.

„Навистина не би сакал цело време да чувствувам само среќа. Но не сакам и да чувствувам само тага, не сакам да бидам во депресија. Сакам лоши денови и сакам добри денови“, изјави Мек Милер неодамна за магазинот Vulture.

Share Button
MK News

Автор инфо

No comments yet.

Остави коментар

UA-33057274-1