Кралскиот клуб Реал Мадрид е новиот европски шампион. Кралевите ја освоија 10-тата јубилејна титула откако во продолжението го совладаа големиот градски ривал Атлетико Мадрид со 4-1.
Во регуларниот дел немаше победник 1-1.Атлетико повторно одигра одлично 90 минути. Водеше од 36м со погодокот на Годин но не издржа во последните секунди од мечот. Во судиското надополнување Рамос по еден корнер успеа да израмни на 1-1.
Во продолжението Бејл донесе водство од 2-1. Потоа со удар од 20-тина метри Марсело зголеми на 3-1. Конечниот резултат од пенал го постави Роналдо што е негов 17 погодок оваа сезона во ЛШ.
Реал освои европски трофеј по пауза од 12 години.
