До крајот на февруари наредната година Милениумскиот крст треба да биде комплетно завршен. Од ЈСП „Скопје“, кое стопанисува со објектот, велат дека е завршено бојосувањето на железната конструкција.
Освен тоа, проектот предвидува и партерно уредување на околината.
Директорот Николов вели дека очекува активностите да бидат завршени во предвидениот рок, во февруари, но тоа зависни и од временските услови.
Во приземјето на објектот, според најавите, досега требаше да биде отворен ресторанот, со кој ќе стопанисува сопственикот на ресторанот „Воденица“, но поради тоа што водата не е спроведена, тој се уште не профункционира. Во рамките на крстот е планирано да се изгради и црква со конаци, но засега нема најави дека ќе се реализира и овој дел од проектот.
