Јелена Голубовиќ жареше и палеше во „Фарма“, „Парови“ и во „Малдиви“, но деновиве се соочува со многу лоша дијагноза. Имено, скандалозната режисерка и актерка го напушти реалното шоу „Малдиви“ поради сериозно нарушена здравствена состојба на своите гласни жици, а за време на учеството во „Парови“ редовно примаше инјекции за да може да зборува, т.е. да вреска на другите учесници, па така врескајќи го освои второто место во ова реално шоу.
„Точно е дека сум болна, но сигурно сум дека успешно ќе се изборам со тоа. Бев кај четири лекари и сите ми дадоа различна дијагноза. Секој ден примам тешка терапија, па ќе морам на операција. Засега ќе ми ја оперираат девијацијата на носот, а подоцна и гласните жици. Не сакам да ме сожалуваат и да се пишува за тоа, сега настојувам да не го напрегам грлото и помалку да зборувам“, изјави Голубовиќ.
