Русија ќе ја разори Турција, ќе го заземат Истанбул и ќе излезат на Персиски Залив. Ова е содржината на пророштвото што го кажа старецот Пасиј, монах од Света Гора.
Тој ѝ предвидел на Турција многу проблеми во блиска иднина. Не говори за руското учество во судирите во Сирија, но ја истакнува улогата на Русија во големите војни што ќе го зафатат Блиски Исток. По тоа Русите во големата војна со западните сили, сепак, ќе бидат натерани да се повлечат назад, а Истанбул ќе го предадат.
-По сериозниот судир меѓу Грција и Турција, голема и разорна војна ќе избие меѓу Русија и Турција. На почетокот, Турците ќе мислат дека победиле, но Русите ќе се вклучат во борбата и на крајот, всушност, тие ќе победат, па потоа ќе го заземат Истанбул-Цариград, кој ќе се најде во нивни раце. Но, на крајот од некоја причина, сепак, ќе мора да го предадат. Русија ќе ја нападне Турција од север, поради некакви свои причини. Тогаш ќе се вклучат и други европски земји: Англија, Франција, Италија и уште други шест-седум држави, кои во овој дел имаат интерес и, исто така, претендираат на турски дел од земјата – вели Пасиј.
-Англија и САД ќе го вратат Истанбул – им порача старецот Пасиј на Грците.
-Црквата „Аја Софија“ повторно ќе биде грчка по толку години.
Русија ќе ја продолжи војната и ќе се пробие се до Персиски Залив, но ќе биде сопрена од трупи во Ерусалим. Потоа западните сили ќе ѝ речат на Русија да ги повлече своите трупи од тие подрачја, но таа нема да ги повлече, а потоа тие ќе почнат да се групираат со желба да ја нападнат Русија. Ќе има голема војна, глобална и Русите ќе бидат губитници, вели Пасиј.
