Саудиски принц беше уапсен под обвинение за сексуално насилство врз вработена во послугата на неговиот имот во Беверли Хилс, соопшти полицијата во Лос Анџелес.
Маџид Абдулазиз ал Суад (28) беше уапсен во средата и пуштен на слобода, откако платил кауција од 300 илјади долари.
Весникот „Лос Анџелес тајмс“ пишува дека полицијата упаднала на огромниот имот на принцот, вреден 37 милиони долари, откако сосед забележал жена облеана во крв, која барала помош, додека се обидувала да се искачи по ѕидот околу имотот.
Принцот пред судот треба да се јави на 19 октомври.
