Пет лица загинаа кога одеднаш се отворила дупка во земјата широка 10 метри во индустиркото подрачје на градот Шензен, кој се наоѓа кај Хонг Конг, соопштија денеска локалните власти.
Локалните медиуми известуваат дека истрагата е во тек, пренесе АФП.
Дупката во земјата се формирала во близина на индустриската зона Хуамао во Шензен во понеделникот вечерта во времето кога многу работници биле на работа.
Дневните весници Шангај Дејли известиле дека спасувачите спасиле едно лице.
Засега не е познато колку луѓе „проголтала“ дупката, но потрагата по исчезнати се продолжила и во вторник.
