Полицијата пристигнала во станот набрзо откако претседателот на малезиската влада ја завршил конференцијата за новинари.
Премиерот изјавил дека истрагата покажала дека комуникациите во авионот биле намерно онеспособени и дека авионот намерно свртел од летот кон Пекинг.
Захари Ахмад Шах (53) е пилот веќе 33 години. Колегите раскажуваат дека бил опседнат со работата, а медиумите се повеќе го истакнуваат сценариото според кое пилотот извршил самоубиство и со него во смрт повел 238 луѓе.
Копилотот од авиокомпанијата “Malaysia Airlines”, кој во неколку наврати имал можност да лета со Захари Ахмад Шах, го опишува како опседнат со својата работа и општо со авионите. Тој додал дека Захари ги знаел сите предности и маaни на авионот, и дека во својот дом во Куала Лумпур имал инсталирано мал симулатор на лет со полна опрема и три монитори.
