Полицијата во Минхен на фејсбук профилот објави дека очевидци пријавиле оти виделе три лица со автоматско оружје. Властите се сомневаат дека бил извршен терористички напад.
Полицијата наведува дека бројот на жртвите од нападот во трговскиот центар „Олимпија“ се уште не е утврден, иако претходно баварското МВР соопшти за најмалку тројца загинати и голем број повредени.
Полицијата соопшти дека никој од напаѓачите не е уапсен и потрагата продолжува со сите расположливи капацитети со поддршка од специјални единици.
– Засега нејасна е ситуацијата и ги молиме граѓаните да останат во своите домови – соопшти полицијата.
Блокирана е целата област и властите предупредуваат на можни нови напади. Болницата „Швабинг“ што се наоѓа во близина на шопинг центарот каде се случи нападот како и други клиники се подготвуваат за прием на повредени. Поради тоа, повикани се лекари и друг медицински персонал.
