Главниот уредник на Realnews, кој тврди дека информацијата ја добил од доброупатени извори, пишува и за пропратните решенија кои Нимиц ги претставил пред претставниците од двете земји.
– Информацијата вели дека најмалку две од трите имиња се на кирилица, без можност за транскрипција на англиски. Тоа ја оправдува силната реакција и скептицизмот на Скопје за името. Кон позицијата ,,Ерга омнес‘‘ може да има позитивен пристап од Скопје, уставни измени цврсто се отфрлаат, а прашањето за дериватите на нација и јазик се уште е предмет на дискусија. За нив се дискутираше, но и не се дискутираше, пишува грчки Реалнењс.
Речиси сите медиуми ја пренесуваат и изјавата на преговарачот Наумовски за Сител, дека предлозите изнесени од Нимиц се далеку од достоинствено решение, потенцирајќи дека има разногласие и во македонската влада.
Порпаролот на грчката влада, пак изјави дека владата на Ципрас сака и ќе направи се што може за да се реши прашањето со името, без да ги стави во опасност националните интереси.
– Сакаме решение во кое сите ќе бидеме победници, изјави Ѕанакопулос за радиото 24/7.
Тој ја обвини опозициската Неа демократија дека си игра криенка со името. Несогласувањето околу решавањето на спорот продолжува не само во односот на владата со грчката опозиција, туку и внатре во кабинетот на Ципрас.
Во меѓувреме, бугарскиот премиер Бојко Борисов од Стразбур порача дека е оптимист и ги охрабри премиерите на Македонија и на Грција, да седнат на заедничка маса и да го решат проблемот на начин како што тоа го направија тој и Заев со Договорот за добрососедство.
– Двајцата премиери треба прво на билатерално ниво. Како што направивме ние со Заев, потпишавме договор за добрососедство и го ратификуваше Собранието во Скопје. Треба и Алексис Ципрас и Зоран Заев прво да го решат спорт меѓу нив, вели Борисов.
Бугарскиот премиер повторно се понуди доколку имаат потреба од помош, веднаш да им посредува.
