Историскиот референдум за отцепување на Шкотска привршува, но резултатите уште се неизвесни. Сепак, сопствениците на хотелите, пабовите и рестораните веќе организираат прослави, додека улиците на Единбург се полни со туристи и новинари.
Според првичните информации, шкотските стопанственици секако имаат причина за прослава, без разлика на исходот од референдумот. Само денешниот ден им донесе фантастични туристички приходи, а илјадници туристи купуваат виски, сувенири и традиционална карирана шкотска ткаенина.
„Ова е неверојатно! Се е преполно – едноставно врие! Никогаш не сум доживеал вакво нешто“, вели претседателот на Градскиот совет на Единбург Ендрју Бернс.
Првите резултатитер од референдумот треба да бидат објавени уште вечерва, додека официјалните во текот на утрешниот ден. Шкотските граѓани одлучуваат дали се за отцепување или за останување во рамките на Велика Британија.
