Шведски научници 20 години следеле 61.000 жени и 45.000 мажи и откриле дека кај луѓето кои пијат најмногу млеко не е забележан помал број на фрактури.
Три чаши млеко на ден може двојно да го зголеми ризикот од предвремена смрт и не ги спречуваат фрактури на коските, покажа нова шведска студија.
Млеко долго време се препорачува од страна на експерти со цел да се обезбеди влез на потребните количини на калциум и одржување јачината на коски, а претходните истражувања покажале дека млекото штити од срцеви заболувања и мозочен удар, и може да помогне да се спречи дијабетесот.
Шведски научници 20 години следеле 61.000 жени и 45.000 мажи и откриле дека кај луѓето кои пијат најмногу млеко не е забележан помал број на фрактури. Од друга страна, кај жените кои пијат најмногу млеко е забележан зголемен ризик од фрактури.
Оние кои пиеле повеќе од три чаши млеко на ден или повеќе од седум децилитри имале два пати поголема веројатност за прерана смрт во споредба со оние кои пиеле помалку од една чаша млеко, покажа истражувањето чии резултати се објавени во „Британскиот медицински журнал“.
Според експерти, околу половина литар млеко на ден обезбедува доволно количество на калциум за да се спречи остеопороза.
Некои научници веруваат дека млечната маст го поништува позитивното влијание на калциум, што предизвикува воспаление на ѕидовите на крвните садови, со што се зголемува ризикот од срцев удар. Од друга страна, научниците откриле дека млечните производи со ниско ниво во масти, како што се сирење или јогурт имаат позитивен ефект на намалување на ризикот од предвремена смрт и зајакнување на скелетниот систем.
Експертите предупредуваат дека резултатите од шведскиот истражување треба да се прифатат со резерва бидејќи млеко во Шведска содржи витамин А, кој би можеле да влијае на резултатите.
Kurir
