Во срцето на Мадрид е отворена атрактивна изложба посветена на Никола Тесла, ја организираат музејот „Никола Тесла“ од Белград и фондацијата „Телефоника“, разгранок на истоимениот телекомуникациски гигант. Покровител е српската амбасада во Мадрид. 
– На влезот во службениот простор пишува „Никола Тесла се родил во 1856 г. во Смиљане, српско село во рамките на Австриското Царство“. Хрватска на изложбата не се споменува никаде – реагираат хрватските медиуми.
Владимир Јеленковиќ од белградскиот музеј на Никола Тесла напоменува дека изложбата нема никакви примеси на политика.
– Тука нема ништо спорно. Тесла е роден во Воена Краина во Австриското Царство, во Хабсбуршката монархија, која во времето на раѓањето на Тесла бил под директна австриска управа. Тогаш таа немала никаква врска со Хрватска и таа во ниедна варијанта не може да биде земјата на генијалниот истражувач – додава Јеленковиќ.
Изложбата од денеска патува во Мексико, Аргентина, Бразил и во Чиле. Имено, таа ќе биде поставена дури во 14 земји во Латинска Америка поради големиот интерес. Меѓу експонатите се фотографии и лични записи, како и 3Д-анимирани пронајдоци.
