Спорниот учебник, според порталот „Fejsbuk reporter“ бил воведен во наставата преку покраинските власти и без дозвола на републичкиот министер за образование, надлежните институции и родителите.Учебникот, сепак бил воведен во наставата на десетина училишта во Вршац, Алибунар, Нови Сад, Сремски Карловци, Ириг, Стара Пазова, Зрењанин, Бечеј и во Кикинда, а планот бил од наредната година да се користи во сите гимназии и стручни училишта во Војводина.
Порталот пренесува дел од цитати, кои, како што констатира, недвосмислено укажуваат на промовирање на хомосексуализмот и на LGBT заедницата, а ги критикуваат семејството, и религијата и подучуваат дека не треба да постои долна граница за почетокот на сексуалните активности.
„Со долготрајните истражувања и проучувања е заклучено дека хомосексуалноста е нормална и позитивна варијанта на човековата сексуалност“, е еден од цитатите.
Порталот пренесува и дел од учебникот во кој се вели дека: „Не постојата докази дека родителите имаат влијание врз сексуалната определба на децата бидејќи постојат примери ина хомо и хетеро сексуални деца кои потекнуваат и од хомо и од хетеро сексуалните семејства“.
Наведувајќи уште десетина други „аргументи“ од учебникот, порталот забележува дека за ниту еден од нив не била наведена фуснота, ниту пак извор од кој се црпе информацијата.
