Пронајдено е беживотно тело на 46-годишен скопјанец во опожарена куќа во скопското село Бразда, соопшти Министерството за внатрешни работи.
– Утринава во 3 часот Бригадата за противпожарна заштита – Скопје се обидувале да изгаснат опожарена куќа во село Бразда, а добиле информација дека постои можност внатре да има лице настрадано од пожарот, се наведува во соопштението.
Околу 4 часот пожарот е изгаснат. Опожарена е целосно покривната конструкција и вториот кат од куќата. При извршената проверка на куќата пронајдено е безживотно тело за кое се претпоставува дека е лице на возраст од 46 години од Скопје, кој долго време живеел сам во куќата. Се врши увид на местото на настанот.
