Скопје не спие. Веднаш откако беа објавени снимките и фотографиите на Mknews дека во скопски Аеродром нивото на реката е пред излевање екипи на градот на терен.
Веднаш се реагираше иако за среќа и нивото на Вардар во меѓувреме се повлече. Екипите за секој случај поставија вреќи со песок на најниските точки. На терен на полноќ заедно со екипите и Градоначалникот на Скопје Коце Трајановски кој дојде со членови од својот кабинет лично да се увери во состојбата.
Градоначалникот и самиот носеше вреќи со песок кој се поставуваа на кејот што се гледа и на видеото кое го сними екипата на MKnews.
Иако реката е повлечена на едно место надојдената вода успеала да одрони мал дел од земјениот насип но екипите добија налог од градоначалникот веднаш да ја пополнат дупката за секој случај.
Скопје вечерва може мирно да спие – нема опасност од излевања на ниту една точка, не увери градоначалникот Трајановски. Ни изјави дека екипите постојано ја следат состојбата и се во постојана комуникација со сите надлежни служби од градовите долж течението на Вардар, се разменуваат податоци за нивото на водата, за навремено да се реагира.
