Лажни СМС пораки кои пристигнуват на мобилните телефони, а кои се испратени од Брегот на Слоновата коска и Естонија оштетиле повеќе граѓани во Србија. Тие кои се фатиле на замката со пораката: „Побарај ме. Ова е итно“ треба да платат телефонски сметки од неколку илјади евра
– На мајка ми постојано и стигнуваат пораки со +225 и бараат да се јави итно. Проверив на интернет и овој повикувачки код е на Брегот на Слоновата коска . Пораките се испишани на кирилица. Се посомневавме во пораката и не се јавивме. Знае ли некој од каде е пораката, се дел од коментарите на граѓаните на интернет форумите.Од полицијата и мобилните оператори во Србија велат дека тоа е класична измама направена преку софтверот на компјутерот. Се испраќаат наеднаш на десетина граѓани, а целта е да се намамат да се јават или да уплатат пари на наведениот број. Тогаш настанува штетата од неколку илјади евра.
