Претседателот на Собранието Трајко Вељановски ја отвори 87-мата седница на зконодавниот Дом на која ја стави на дневен ред точката со оставката на премиерот Никола Груевски. 
Спикерот истакна дека согласно деловничките и законските можности премиерот Груевски има можност да ја образложи својата оставка, но тој ги известил собраниските служби дека нема да го стори тоа.
Со оставката на премиерот, во оставка е целата влада, истакна Вељановски кој информираше дека на седницата ги поканил и Претседателот на Република Македонија Ѓорге Иванов и премиерот во оставка Груевски, како и сите членови на владата.
Опозицијата ја напушти собраниската сала. Сугарески од СДСМ рече дека 10 години се чекаше, како што рече, да падне главата на режимот.
