На улицата „Васко Карангелевски“, во близина на училиштето „Ѓорѓија Пулевски“, се случи тешка сообраќајна незгода во која учествува два патнички возила марка „ауди“ со скопски регистарски таблички и „поло“ со гостиварски таблички.
Од МВР информираат дека незгодата била пријавена во 11 часот и 20 минути, но причините за сообраќајката засега се непознати.
Во оваа незгода со повреди се здобиле три лица, од кои едно е префрлено во Ургентниот центар „Мајка Тереза“, а две се во клиниката „Св. Наум Охридски“.
Екипа на МВР е на местото на настанот каде што во моментов се врши увид.
