Српски снајперист, член на ПКК, убиен, а друг уапсен во Турција


Српски снајперист, кој бил припадник на Курдската работничка партија (ПКК), е убиен, а негов сограѓанин е уапсен во југоисточниот дел на Турција, пишува турскиот весник „Ватан“.

Според весникот, едниот снајперист бил убиен за време на операцијата на турските безбедносни сили на 29 јануари во градот Џизре, во округот Шернак.snajper - mk

Во текот на антитерористичката операција, извршена на 30 јануари, бил уапсен и вториот српски снајперист, кој е однесен на сослушување во секторот за борба против тероризмот на турската полиција во градот Шернак.

„Ватан“ тврди дека според првични информации на разузнавањето, снајперистите биле најмени од ПКК заедно со уште најмалку петмина странски државјани, кои моментно се борат на страна на курдските бунтовници во југоисточниот дел на Турција.

Турскиот премиер Ахмет Давутоглу изминатиов викенд истакна дека за време на операциите на турските сили било утврдено дека на страната на ПКК се борат повеќе странски снајперисти.

Share Button
MK News

Автор инфо

No comments yet.

Остави коментар

UA-33057274-1