Стигнаа наодите од обдукцијата на телото на малиот Матеја Митиќ кој за жал го загуби животот во градинка, под неразјаснети околности. Малото момче почина во градинката `Dečiji lug`, а според наодите починало од ненасилна смрт, по воспаление на срцевиот мускул, што покажува дека постоело подолготрајно воспаление кај детето. Сепак, во наодите не пишува кога точно настапила смртта.
Детенцето заспало со останатите 15 дечиња во градинката по ручекот, но за жал не се разбудило. Итната помош го одведе малото момче веднаш во болница, но и покрај обидите за реанимација, докторите не можеле да направат ништо.
Родителите на момчето кои се во очај велат дека резултатите од обдукцијата ги сметаат за непотполни.
– Не се знае часот на смртта. Овој извештај е непотполен, велат тие.
Родителите сакаат до крај да се разјасни како починало нивното детенце.
