Стоилковски: Заев кокетира со руски тајкуни


Портпаролот на ВМРО-ДПМНЕ, Наум Стоилковски, на денешната прес-конференција зборуваше за можна релација меѓу премиерот Заев и владата со рускиот бизнисмен, близок до Москва, а распослан низ Грција, Иван Савидис, за која, како што кажа, пишувале повеќе медиуми.

Стоилковски посочи дека Заев мора да одговори дали и колку Иван Савидис е економски присутен во Македонија и дали има поврзаност со Владата и висок функционер од ЛДП.

„Дали Заев знаел чија компанија посетува кога го посети тутунскиот комбинат во Крушево, кој што е дел од синџирот на компании на Савидис? Дали Заев беше придружуван од Панајотис Теранидис, човек од доверба на Савидис? Дали поранешниот директор на Државниот земјоделски инспекторат, Јане Станкоски кадар на привезокот на Заев ЛДП, е главен потписник, прокурист на компанијата на Савидис?“, се само дел од прашањата на кои побара одговор портпаролот на опозициската партија.

Стоилковски порача дека премиерот има обврска да одговори на ваквите наводи во медиумите, особено поради тоа што честопати досега Заев и Владата зборувале и обвинувале за странски руски интервенци во политиките во земјава.

MK News

Автор инфо

No comments yet.

Остави коментар

UA-33057274-1