Австралиската полиција во Сиднеј, сеуште е во потрага по четиригодишното момче кое било зграпчено од крокодил. Настанот се случил на местото Порт Бредпоу, на северот од земјата, недалеку од Дарвин. 
Крокодилот го нападнал момчето кое се бањало во водата заедно со уште неколку луѓе по што го однел подлабоко во водата.
Луѓето кои биле присутни во моментот на инцидентот, се обиделе со мотики да го убијат крокодилот, но рептилот го одвлекол детето во подлабокиот дел.
Полицијата соопштила дека ќе продолжи со потрагата и покрај тоа што шансите за да биде пронајдено момчето се многу мали. „Особено загрижува изјавата на очевидецот дека крокодилот кој го нападнал момчето, претходно, со денови бил хранет од локалните жители, токму на таа плажа.
Ова е втор напад како од ваквов вид, кој што се случува на оваа плажа. Пред две недели крокодилот нападнал седумгодишно девојче кое што веднаш било проголтано. Наредниот ден спасувачките екипи успеале да го убијат овој рептил.
Бројот на крокодили во Австралија е нагло зголемен од 1971 година, кога била донесена забраната да се лови ваквото животно. Властите имаат намера да ја обноват дозволата за лов до 50 крокодили на годишно ниво.
