Кошаркарскиот клуб Црвена Ѕвезда на бившиот центар Предраг Самарџиски ќе мора да му исплати 185.660 евра, решил Судот за арбитража на ФИБА (БАТ). Судот утврдил дека црвено-белите на македонскиот кошаркар му долгуваат 173,750 евра, плус камата од пет отсто затоа што долгувањата не се исплатени од 26 јуни минатата година.
Покрај тоа, Црвена Ѕвезда ќе мора да ги покрие и трошоците за судење од 11.910 евра.
Македонскиот репрезентативец во редовите на белграѓани дојде на половина од минатата сезона од Лиевутос Ритас. Играше за Ѕвезда во Купот Радивој Кораќ и АБА лигата, но не беше лиценциран за Суперлигата. Доби отказ со образложение дека не прикажувал игра која од него се очекувала.
Тој во својата тужба тврдел дека Ѕвезда не му ги исплатила сите долгувања за плата и бонуси и дека договорот е раскинат без основ. Од другата страна тврделе дека до раскинување на договорот дошло поради лошата игра на македонскиот кошаркар, ама дека клубот сака да се спогоди. Ѕвезда понудила да му исплати 103.750 евра на 12 месечни рати, што Самарџиски го одбил. БАТ утврдил дека Црвена Ѕвезда на Самарџиски му платила само 10.000 евра и поради тоа е донесена пресуда во негова корист.
