Шпанската полиција денеска соопшти дејка уапсила еден Британец поради убиство на германски државјанин, затоа што Германецот тајно ја снимал неговата ќерка во еден ресторан во шпанското летувалиште Сотонгранде.
Британецот (40) во саботата навечер го нападнал 43-годипниот Германец откако забележал дека со таблетот тајно ја снима неговата малолетна ќерка, а тоа е потврдено откако полицијата го заплени таблетот и ги прегледа снимките на нив.
Изворот наведува дека Британецот во нападот не користeл никакво оружје. Германецот е префрлен во болница каде починал, а полицијата ги чека резултатите од обдукцијата.
По нападот Британецот го напуштил ресторанот, но денеска е уапсен откако го идентификувале сведоци.
Шпанската полиција наведува дека убиениот маж неколку пати претходно е апсен поради поседување на детска порнографија.
