Тешка сообраќајна несреќа се случила вечерва околу 20:30 часот кај Волково, во која се повредени две лица, дознава Курир.
Според првичните неофицијални информации, автомобил Опел Астра со скопски регистерски таблички изгубил контрола над возилото кај Новоселски пат, излетал од патот и удрил во две лица.
Неофицијално, повредените се татко и син, кои се пренесени во Ургентниот центар во Скопје. Повеќе детали за нивната состојба не се познати.
Полицијата е на лице место и врши увид.
