Денеска пред судот се собрани и роднините на обвинетите во случајот „Монструм“, а ним поддршка им даваат педесетина демонстранти кои со транспаренти бараат да се ослободат обвинетите.
-Ми остана нејасно кои се лицата што се спомнуваат во обвинението, а кои останаа со неутврден индентитет. Имаме информации дека во случајот се вмешани пратеник, доктор и судија и бараме нејаснотиите да ни се дешифрираат, изјави денеска Горан Наќески, татко на една од петте жртви пред две години кај Смилковско езеро. Родителите на момчињата денеска дојдоа во судот да ја слушнат пресудата за случајот наречен „Монструм“, но останаа изненадени од информацијата дека пресудата ќе се одложи бидејќи судијата се разболел. Рочиштето е одложено е за 30 јуни, судијата сега имал грип пропратен со висока температура, пренесува Фокус.мк
