Таткото на Анџелина Џоли, глумецот Џон Војт, дознал за свадбата на ќерка си во исто време кога дозна и целиот свет.
Оскаровецот давал интервју утрово кога веста за свадбата го обиколи светот, па кога го прашале како било, тој одговорил дека воопшто не бил информиран за тоа. Кога од него бил побаран коментар за настанот, тој само рекол: „Баш фино“.
Славната холивудска двојка се венчала во саботата во Франција, во замокот Миравал, во присуство на семејството и пријателите.
Луксузниот имот кој располага со приватно езеро, неколку хетари лозје од кое се подготвува врвно вино, базен и огромна градина, изгледа бил совршеното место за судбоносното „да“ на Бред и Анџелина.
Вилата располага и со 35 соби во кои биле сместени гостите, помеѓу кои се нашле само најблиските пријатели и блиското семејство.
Најстарите синови на парот, Медокс и Пакс, ја испратиле Анџелина до олтарот, додека Захара и 5-годишната Вивиен расфрлале латици од рози. Шилоу и Нокс ги носеле прстените за време на церемонијата.
