Темни облаци над Скопје – Метеролозите најавуваат вечерва поинтензивно невреме

Повеќе врнежи се очекуваат во западните делови од земјата. Локално процесите ќе бидат поинтензивни во форма на невреме со можна појава на град. Температурата ќе се движи од 19 до 28 степени. Во Скопје температурата ќе се движи до 27 степен.
Темни облаци над Скопје донесоа дожд и грмотевици. Невремето веќе започна, а за попладне се најавува уште поинтензивно.
В понеделник ќе биде особено нестабилно со пороен дожд, грмежи и повремено засилен ветер. Процесите ќе бидат поинтензивни на запад и на југ, каде што ќе има и почеста појава на град. Во вторник и среда ќе биде малку посвежо со повремени врнежи од дожд претежно во попладневните часови, а условите за нестабилност ќе бидат помали.