Надлежните здравствени служби на аеродоромот „Александар Велики“ во Скопје пред два дена поради констатирана зголемена температура и симптоми кои асоцираат на заразната болест ебола ставиле во карантин две лица од Нигерија кои како што дознава „Охрид1“ се студенти на Универзитетот за информатички технологии „Свети Апостол Павле “ во Охрид.
Со нив од Нигерија допатувал уште еден колега – студент кај кого при прегледот не била констатирана температура или некој друг симптом и бил пуштен во Охрид.
Но како што дознава „Охрид 1“ и тој денеска поради контактите со нив итно е хоспитализиран и во мигов се префрлува во Инфективната клиника во Скопје, кaде веќе се на испитување и неговите претходно задржани колеги кај кои испитувањата ќе треба да покажат за што всушност се работи.
(ИЗВОР:Охрид1)
