Изгледа дека веќе никој не се чуди зошто хрватската пејачка Дорис Драговиќ пукнала со продажбата на картите за концертите во Белград и во Нови Сад, но интересно е да се спомене дека српската фолк дива Светлана Цеца Ражнатовиќ, всушност, уште во 2000 година ѝ ја уништила кариерата на Дорис, пишува српски „Курир“!
Во тоа време Дорис прво ја изгубила титулата на кралица на Торцида, бидејќи ја замразиле навивачите на сплитскиот Хајдук, кои до тогаш ја виздигнувале до небото, а тогаш решила повторно да се пробие на естрадата и направила катастрофална грешка!
Набрзо по објавувањето, се дознало дека насловната нумера на повратничкиот албум „Лице“, кој го потпишале Тончи и Вјекослава Хуљиќ е, всушност, плагијат на нумерата „Другарице“, која Цеца ја отпеала со групата „Луна“.
Тогаш се актуелизирани и приказните дека своевремено Дорис му била љубовница на Аркан. За Хрватите тоа било премногу.
– Кога неодамна гостувала во Белград во музичкото шоу „Икс Фактор“, Дорис одбила да пее песна од албумот „Лице“, затоа што се срами од тие нумери, иако продуцентите сакале да слушнат и некои од нив, а не само „Марија Магдалена“, која секаде ја пее – открива извор близок на продукцијата.
