Официјален претставник на турската Влада изјави дека француските власти двапати биле предупредени за потенцијалната опасност која се заканува од Омар Исмаил Мостефаи, бомбашот-самоубиец кој се разнесе во еден од нападите во Париз.
– Од француските власти одговор добивме дури по злосторството. Додека ги предупредувавме, тие не се огласуваа. Мостефаи влезе во Турција во 2013 година, но нема официјални податоци дека ја напуштил нашата земја, што значи дека во Франција пристигнал по илегален пат, истакна турскиот претставник во интервју за „Гардијан“.
Турските власти во врска со Мостефаи ги информирале своите француски колеги во декември 2014 и во јуни 2015 година.
