Репортерот на ТВ Нова Александар Видиновски сведочеше за авионската несреќа кај Катланово. Во студиото во живо посочи дека добиле телефонски повик дека жители на мештани се јавиле во редакцијата и кај новинарите.
„Бучно ни се јавија дека слушнале звук на експлозија, што невообичаено за тој терен. Тргнавме околу 6 попладне – видовме полициска патрола по пат – се закачивме за на- калта ни ја пукна гумата, заглавивме. Ние всушност ги блокиравме полицајците да стигнат на лице место, ни помагаа да не извадат од длабоките бразди кал – ние бевме во близина – забележавме светла од ламби – и тргнавме пешки 4 км во еден правец“, изјави Видиновски.
„Мештаните подобро го знаат теренот стигнавме како што стигнавме – полицијата кога нѐ виде – ни забрани да снимаме, бидејќи го обезбедија теренот“.
„Ние осетивме мирис на керозин – врнеше – се беше на сите страни – снимавме и еве ги снимките, со парчиња од авион. Телата не ги видовме, мештаните ги видоа, ние кога дојдовме – институциите ги отстранија“, сведочеше Видиновски.
„Кога се враќавме, кучиња нѐ нападнаа – овчар ни помогна да излеземе живи“, рече Видиновски.
