Жител на градот Атланта, во сојузната американска држава Џорџија, тврди дека поседува со копија од тајната форумла за производство на „Кока-кола“.
Клиф Клуг планира копијата да ја продаде за пет милиони долари на интернет-страницата „иБеј“. Тој тврди дека форумалата за подготвување на најпопуларниот пијалок во светот, што датира од 1943 година, ја пронашол меѓу стари книги кои неодамна ги купил од стар пазар.
Претставници на компанијата „Кока-кола“ сепак го отфрлија тврдењето на Клуг, истакнувајќи дека рецептот за газираниот пијалок се наоѓа во музејот на „Кока-кола“ во Атланта. Формулата се чува во сеф висок половина метар, што никогаш не се отвара. Посетителите на музејот можат да се доближат на само неколку метри од него.
Формулата за производство на „Кока-кола“ е измислена во 1886 година од фармацевтот Џон Пембертон.
