Убиен бегалец во тепачка на грчко-македонската граница


Еден бегалец е убиен, а двајца други се повредени денеска при тепачка меѓу мигранти на грчката страна од границата кон Македонија, објави електронското издание на атинскиот весник „Катимерини“.

Според весникот, тепачката, која се случила рано изутринава, започнала меѓу група мигранти кои чекале на границита за влез во Македонија. Причните за тепачката не се познати.migranti33

„Катимерини“ наведува дека во последново деноноќие од Грција во Македонија преминале околу 2.000 бегалци, додавајќи дека минувањето на границата се одвива без застој.

Неколку невладини организации и активисти реагираат затоа што бегалците не се сместуваат во времениот камп во пограничното село Идомени, туку чекаат на една бензиска станица на околу 20 километри од границата.

Според грчката полиција, во времениот камп во Идомени се сместени околу 500 бегалци, додека на посочената бензиска станица чекаат 39 автобуси со вкупно 2.000 лица, за да бидат префрлени во неутралната зона на границата меѓу Грција и Македонија.

MK News

Автор инфо

No comments yet.

Остави коментар

UA-33057274-1