Kако што неофицијално дознава „Дневник“, поради недоволна посветеност на професионалните обврски и непочитување на професионалните стандарди поврзани со угледот на вработениот, како и поради намален фокус на обврските, од обезбедување на претседателот на Владата на Република Македонија привремено е отстранет Д.М.
-Според нашите сознанија, всушност, станува збор за Дејан Митровски-Урко. Против него е поведена соодветна постапка, а до завршување на постапката за утврдување одговорност нема да извршува работни задачи на досегашната позиција. Надлежните ни ја потврдија оваа информација, со тоа што не сакаа да кажат ништо повеќе освен дека станува збор за Д.М, пишува весникот.
