Три деца од исто семејство, на возраст меѓу пет и девет години, се удавиле во саботата во ужасна несреќа во Неукирчен. Полицијата објави дека еден од очевидците повикал пожарникари во саботата навечер околу 21:00 часот, бидејќи дете паднало во езерото. Кога стигнале се обиделе да го реанимираат момчето, но тоа починало на лице место.
Но, по пристигнувањето на езерото, пожарникарите и полицијата утврдиле дека исчезнале уште две деца. Во потрагата биле вклучени и нуркачи кои ги пронашле телата на девојчето (8) и нејзиниот повозрасен брат.
Инспекторите во неделата наутро објавиле дека се уште не е познато како дошло до несреќата и дека бараат помош од очевидци.
„Билд“ пишува дека ирачко-германското семејство живее само 350 метри од езерото и дека имаат уште три деца.
