Еден полицаец бил убиен, а двајца ранети кога вооружен маж вечерва упаднал во полициска станица во Зворник во источна Босна, јавува Телевизија на Република Српска. Според првичните информации вооружениот напаѓач ненадејно влетал во полициската станица и почнал без ред да пука во полицајците што се наоѓале таму.
Полицајците веднаш одговориле на пукање и го застрелале напаѓачот. Мотивите за нападот не се познати, а напаѓачот бил идентификуван како 24-годишниот Нердин Ибриќ. Министерот за безбедност на БиХ изјавил дека пред три дена имале информации за можен терористички напад.
Нападот бил извршен за време на примопредавањето на смената и го извршил припадник на вахабистичкото движење, вооружен со пушка сачмарка со која стрелал во полицајците. Тој наводно викал „Алаху акбар“ (Господ е голем).
